ஏக்கம்...!!!

வாய் நிறைய வார்த்தை முட்டி
வஞ்சியவள் வதனம் நோக்கி
மிஞ்சி விட்ட ஏக்கம்தனை
மிடுக்காய் களைந்துவிட்டு
உதிர்த்திடத் துடிக்கின்றேன்
என் உயிர் அவள் என்று.
எனதன்பை மொத்தமாய்
வெளியனுப்பி
அவளன்பு அத்தனையும்
மொத்தமாய் பெற்றிடுவேன்.
அவளன்பின் துளி பட்டே
துயர் மறந்து சிரிக்கின்றேனே...
அவள் அன்புக் கடல் மூழ்கின்
அகிலமே என் வசமே...
அந்தொரு நன்நாளுக்காய்
அனுதினமும் ஏங்கி நின்றேன்..
அடைந்திடுவேன் அவளன்பை
இரவி அஸ்தமன உதயமதில்......!!!

ஏனோ....???

உன்கன்னக்குழி அழகில்
கார்கூந்தல் முடியழகில்
மெல்லப்பேசிடும்
மெலிதான உரையழகில்
வண்ணத்தமிழ் ஊறும்
வளமான உதட்டழகில்
கன்னியுன் காந்த
விழியழகில்
பல்கதை வீசும்-உன்
பண்பான சிரிப்பழகில்
பாவையுன் பல்லழகில்
படபடத்திடா
பாவியிவன் இதயமது......
கன்னியுன் கனிவான
சிந்தையினால்
சிறகடிக்கத் துடிக்கிறதே...!!!

நட்பு...!!!

உணர்ந்திட மட்டும்
உணர்த்திட மட்டும்
உரைத்திட முடியா
உன்னத உறவு.....

மது...!!!

மதி மயங்கிட
மகிழ்வோங்கிட
பருகிடும் கசாயம்....!!!

அன்னை...!!!

மூன்றெழுத்தில்
முற்றுமானவள்.....

கணணி...

கடி பொழுததனை
களி பொழுதாக்கும்
கலியுக ஜாம்பவான்...

நித்திரை...!!!

கண்பாவைக்கு
திரை போட்டு மறைக்கும்
கட்டாயச் செயல்....

மனக்கலக்கம்...!!!

இனம் புரியா வலி
இங்கெனக்கு குடிகொள்ள...
தெளிந்திட முயல்கின்றேன்
தெளிவிப்பார் யாருமின்றி...!!!
என்மன வினா அம்புகளுக்கு
எளிதாய் தப்பிடவும் முடியவில்லை
எகிறிடவும் முடியவில்லை...
எப்பொழுதும் தப்பு என்று
எண்ணுகின்ற என் மனது
இப்பொழுது மட்டும் அதை
எண்ணிடவே மறுக்கிறது....
தப்பென்றாலும் தடாலடியாய்
முடிவெடுக்கும் என்மூளை
இக்கணக்கு முடிச்சவிழ்க்க
முடியாமல் தவிக்கிறது.....
தப்பென்பர் சிலபேர்...
தப்பில்லை தாமிருப்போம்
உனதருகே என சிலபேர்.....
ஒன்பது கூடு காகிதம்
ஒத்துழைக்க மறுக்கிறதே...
இறுதியில் வெல்லப்போவது
காகிதமா???? - அன்றி
கருவான எனதினிய கனவா....???

மழை

வானத்தாயவளின் வலிய
கண்ணீரில்.....
வசந்தம் அனுபவிக்கும்
வஞ்சனையான பூமித்தாய்.....!!!
அதுதானோ மாந்தருள் சிலர்
பிறர் துன்பத்தில்
இன்புற்றிருக்கின்றனரோ.....????

கடவுள்....!!!

கற்பனையின் மறுபெயர் கடவுள்...
இல்லாததை இருப்பதாய் உணரும்
இவ்வுலகில்....
சர்வாதிகார ஆட்சி நடத்தும்
கடவுள் எனும் மாயை.....!!!!

ம்ம்ம்........

சொல்லிட சொல்லிருந்தும்.....
செல்லிடமதுவிருந்தும்.....
சொல்லிடவும் முடியவில்லை...!!!
சென்றிடவும் முடியவில்லை...!!!
சோகமது வாழ்வான பின்பும்
சோதனைகள் பல தாண்டி
சாதித்த பின்பும்கூட....
செப்பிட வார்த்தைகள்தான்
முட்டுகின்றது - ஆனாலும்
முடியவில்லை.
முடிவாக
முத்தான மகரம் தனில்
ம்ம்ம்.....

கறுப்புக் காதலி......

கள்வன் என் காதலி.....
விடுமுறை நாள்தனில்
என் கரம் பற்றி
எங்குமே வந்திடுவாள் எடுப்பாக....
கறுப்பென்றாலும் "கன்டோசு"
என் கையில் தவழ்திடுவாள்...
என் நண்பர் கையணைக்க
தயங்கிடவும் மாட்டாள்.
என் நண்பர் அவள் மேனி வருடிடவே
பார்த்து நிற்பேன்......
அவள்தன் 'பளிச்'சிடும் வதனமதை.....
எவன் கரம் வருடினாலும்
வருந்திடமாட்டேன்...
என் முகம் பார்த்து அடிக்கடி சிரித்திட்டால்....!
இறுதியில்.......
பலர் கை பட்டவளை
பக்குவமாய் எடுத்துச்சென்று
மிருதுவாய் பட்டுமேனி 
சுத்தம் செய்து....
படுக்கவும் வைத்திடுவேன்
அவள் இடத்தில்.....
அவள்தான் என் கறுப்புக்காதலி......
'நிக்கொன்3100D' கமெரா........!!!!!!

நாத்திகன்.....!!!

மெளனம் காக்க முயன்றும் தோற்றவனாய்...!!!
பற்றிவிட்டேன் பாசமுடன் பேனாதனை.
கக்கிவிடத்தான் துடிக்கிறது.....
கட்டுப்படுத்திவிட்டேன் ஈரடிகளுடன்......!!!!
காதல் மதத்தின் நாத்திகனாய்
காலத்தின் கட்டாயத்தின் பேரில்...???

தொப்பையப்பன்....!!!

கண்டதைப் படிச்சு "பண்டி"தனாகு என்பார்.
நானோ........
கண்டதையும் திண்டு வண்டியனாகிவிட்டேன்....!!!
முயன்றுதான் பார்க்கின்றேன்....
முடியவில்லை என் 
மூச்சுமுட்டக் "கட்டும்" பழக்கம்தனை....

சிம்பிலான என் டயற்று
செப்பிடுவேன் உனக்கிங்கு.....
காலையில எழுந்து கதறியடித்து ஓடும் போது
கையில கறுப்பான கன்டோசு
கடித்திடுவேன் போகும் வழி நெடுக.
சைற்றுக்குப் போய் சைற் டிஷ்ஷோட
மீகோரின் வித் கொபீ(f).....
லைற்றான் பிரேக்பா(f)ஷ்ற்....!!!
பத்து மணிக்கு பாதியில பசியெடுக்க
பக்காவா கொபீ(f) ஒண்டு வித் எக்‌ஷ்ரா சுகர்......
பைய நடைபோட்டு பாதியில நடந்து போக
பதினொண்டரை ஆகிடுமே....???
பறந்திடுவேன் பசியாறிட பூ(f)ட்கோனருக்கு
பட்டாளத்துடனே.....
விதம் விதமாய் 
மட்டின், சிக்கன் 
விட்டிடத்தான் முடியுமா????
full கட்டொண்டு....
எப்பவுமே என்பிரியமான
பலூடாவுடன்.......
ம்ம்ம்ம்ம்ம்ம்ம் ,,,,,,
மூச்சுவிடவும் முடியாது...
மூண்டு மணிக்கெல்லாம்
மீண்டுமொரு ரீ பிரேக்....
குடிப்பன் ஒரு கொகோகோலா...
வீடு செல்லும் வழி தனிலே
எடுதிடுவோம் bun ஒண்டு......
வீடடைந்து விறுவிறுப்பாய்
சமைத்து முடித்திடுவோம்
நாவுக்கு ருசியான நல்லுணவுதனை.....
நடக்கமுடியா அளவிற்கு
நன்றாக விழுங்கிவிட்டு......
நாவாற கதை பறைந்து....
பவ்வியமாக பாலருந்தி
படுக்கைக்கு சென்றிடுவேன்......!!!!
எப்படித்தான் குறைத்திட முடியும்
எக்கச்சக்கமான தொப்பைதனை......???

சபராவின் மன்னர்கள்.....!!!

மனக்குதிரைதனை தட்டிவிட்டேன்....
மகிழ்வான என் பல்கலை வாழ்வதற்கு.
மறந்திடத்தான் முடியுமா.....???
நான்காண்டு வசந்தமதை .....
ஒன்றாக கூடி கும்மியடிச்சு
குடித்து கும்மாளமிட்டு.......
பகிர்ந்துண்டு பறித்துண்டு
பரிவுடனே பழகிட்ட பாசமலர்கள்....

பகிர்கின்றேன் எம்மணியினர்
பதினெழுவர் பற்றி பவ்வியமாக.....!!!
செல்லத்தம்பியாம் "ஜெயரூபன்"
எம்மணி முதல் மாணவன் இவன்.
பெரியண்ணா உருளை "அமுதன்"
ஒளிமயமான எதிர்காலமதனை மண்டையில் ஏற்றி.....
வடமராட்சியின் 'வடி'வான வாரிசு "பொன்னம்பலம்"
உண்மை பேசிடக் கூசிடும் இவன் நாக்கு....
நவீனத்தை நமக்கு காட்டிய "ஜெயந்தன்"
முக அலங்கரிப்பில் முதன்மையானவன்.
மகளிர் விவகார அமைச்சர் அண்ணா "நவஜீவன்"
மங்கையர்'தம்' உள்ளங்கவர் 'அண்ணா' இவன்....
திருமலையின் மறத்தமிழன் 'சுகிர்'
இவன் திறந்திடா கழிவறைக் கதவுகளுமில்லை கம்பசினிலே....
சுன்னாகத்துச் சக்கரைக்கட்டி "பிறேம்"-இவன்
விழித்திருந்து விரிவுரைகளே இல்லை.
மன்னாரின் மாண்புமிகு மொட்டை "கிசோ"
சோமபானம் இன்றேல் சோர்ந்திடுவான் அன்றே.......
சொப்பனத்துச் சொக்கன் "சுகந்தன்"
சுந்தரிகள்தம் "உள்ளம்"கவர் கள்வன்.....
கறுப்பென்றாலும் களையானவன் "வாகீஷ்"
கவர்ந்திடுவான் கன்னிகளை காந்த சிரிப்பதனால்......
கட்டழகு பொ(B)டிபி(B)ல்டர் "டார்வின்"
கவர்ந்திடத்துடித்திடுவான் கன்னி'களை' கட்டழகைக்காட்டி.......
எமதணியின் சொக்லேற் போ(B)ய் "கிரி"
இவன் செப்பும் "பி...' இல் இருக்கு ஒரு கிக்கு.....
மலையகத்தின் முத்து "ரட்னா"
எதைக் கண்டும் அஞ்சிடுவான்....
மட்டுவின் மைந்தன் "டிரேஷ்"
சிரித்தே கொன்றிடுவான் சிம்பிளாக....
ஒல்லிக்குச்சி உடம்புக்காரன் "குரு"
தூங்குவதில் வென்றிடுவான் இராவணனை....
சிரித்தே மழுப்பிடுவான் "றியாஷ்"
திருட்டுத்தனங்களின் உறைவிடமும் இவனே.......
இவ்வணியில் ஒருவனாக
அடியேன் நானும்........!!!
சபராவின் மன்னர்கள் நாமெல்லோ.........

பாலைவனப் பதிவுகள்...!!!

எண்ணித்தான் பார்க்கின்றேன்....
எனதந்த பாலைவன வாழ்வுதனை.
புது முகங்களும் புது மொழிகளும்
புதிராக எனக்கிருக்க....
புரிந்திடத்தான் புறப்பட்டேன்....
பொதுவான மொழியாம் - அது
ஆங்கிலமும் இல்லை
அராபியும் இல்லை - தூய
டொச்சும் இல்லை.....
தந்தனர் அந்த விசித்திரமான விளக்கம்தனை....!!!!
என்னதான் அந்த மொழியென்று
கேட்டுவிட்டேன் கேணைத்தனமாக......
வந்தது பதிலொன்று பக்குவமாய்....
கம்பனி மொழியதுவென்று....
செப்புகிறேன் சிலவற்றை
சிந்தித்து பாருங்களேன்
சிக்குகின்றதா உங்களுக்கென்று......

“கலிமேறா மாஷ்துறூ” என
கனிவுடனே நவில்கின்றனர்
காலை வணக்கம் தனை...
“மஞ்சரியா finishedah?" என
வினவிடவே வெடுக்கென்றது என் உள்ளமது....
”மஞ்சரியா” என்றழைப்பது மகிழ்வான
எமது ஆகாரம் தனை என்று
மலையாளி ஒருவன் விளக்கிவிட்டு சென்றான் எனக்கு...
“மலாக்கீஷ் சிக்கு” என்று அழைத்திட்டனர்
எமதருமை தம்பியினை.....
“சுக்குள் மபீஷ்” எண்டு சுருண்டு படுத்திடுவான்
சூட்சுமமான “மலாக்கா பிரதாபன்”
“மீயா மீயா“ எண்டு ஒரு
கம்பனி கொடுத்திடுவேன் அவனுக்கு அன்று...
“காமோதி” “சபனி” என திட்டிடவும் செய்கின்றனர்
கனமான வார்த்ததனால்.....
விளக்கிடவும் முடியாது
வில்லங்கமான வார்த்தைகளை.....
என் இனிய லிபிய நண்பர்களுக்கு சமர்ப்பணம்...

இப்படி பல மொழிகளுடன்
உறவாடி - உஷ்ணமதன்
உக்கிரத்தில் ஊசலாடி...
ஒருவாறு ஓட்டிவிட்டேன்
கொடிய அந்த வருடம்தனை லிபியாவினிலே.....

தொடர்கதை...!!!

காலையில் எழுந்து
கடன்களை முடித்து....
உடுப்பினை எடுத்து
எடுப்பாக அணிந்து....
சீப்பினை எடுத்து
செ(ம்)மையாய் வாரி.....
காலணி எடுத்து
கச்சிதமாய் மாட்டி....
பதனப்பெட்டிதனைத் திறந்து
பழம்தனைக் கடித்து.....
சாவியை எடுத்து
சட்டெனத் திறந்து.....
எட்டியே நடந்து
தரிப்பிடம் அணுக.....
தேடி நின்ற என் விழிகள்
தினமும் வணக்கம் செப்பும்
தோழியவள் வருகைதனை.....
எஞ்சியது என்னமோ
ஏமாற்றம் மட்டுமே....!!!
அவள்தன் தோழியவள்
என்னண்டை அணுகி....
உதிர்த்து விட்டுச் சென்றாள்
எதிர்பாரா வார்த்தை தனை....
"சீ ஹொட் மரீட்"
(she got married)
என்பதாக.....
மீண்டும் கூறிவிட்டேன்
என் வாழ்க்கைச் சுலோகம் தனை
மனதினுள்ளே மெளனமாக......
'ஓடு மீன் ஓடி உறுமீன்
வரும் வரைக்கும் வாடி நிற்குமாம்
நாரை.......'!!!

சிந்தி...

தமிழன் எம் தலைவிதி....
தறிகெட்டுப் போனதுவோ...?
தார்ப்பரிய நிலங்கள் தான்
தரிசு நிலமானதுவோ...?
சொல்ல வழி இல்லாமல்
சொப்பனங்கள் காண்கின்றோம்.
ஊழி வினையறுக்க
உத்தமர்கள் வந்திடாரோ....?
இரத்தவெறிக் காடையரின்
தம்பட்டம்தனை அடக்க.
எமதினத்தை அழிக்கவென்றே
ஏமாளிக்கூட்டம் ஒன்று
ஏவல்கள்தனை இயற்ற....
எட்டப்பர் பலர் அதற்கு
தப்பாட்டம் ஆடிடவே.....
இரையாக்கப்படுகிறது - எமதினத்தின்
எதிர்காலம்...!!!

கவனி......
சிந்தி......
செயற்படு.....

நாமிருவர் நமக்கொருவர் என்பதனை
நாமிருவர் ஆவோம் ஐவர் என்றாக்கிடுவோம்.....
அழிந்திட விடமுடியாது - எம்
உயிரினும் மேலான தமிழினம்தனை - இதை
உரக்க உரைத்திடுவோம் உலகினிற்கே.....

என்னுயிர்க் காதலிகள்....!!!

பல நாள் தேடல்கள்....
அனுபவசாலிகளின் ஆலோசனைகள்.....
தேடும் பொறியில் தேடல்களும் கூட
எத்தனை நாள்தான் எனக்கென்று
ஒருத்தி இல்லாமல்.....!!!!!
எனக்கென்று இப்போது இருப்பவளோ
இன்றைய சூழலோடு இணைய மாட்டாளாம்....!!!
அவளுடன் செல்லுமிடமெங்கும்
அசெளகரியமாகவே உணர்ந்தேன்.
புதியவள் ஒருத்தியை சுலபமாகப்
பிடித்திடத்தான் முடியும் - இருந்தும்
உறுத்தியது என் மனது.....
என்னோடிருப்பவளின் எதிர்காலம்
என்னாகுமோ புதியவளவளின் வருகையால்.....!!!
பராமரிப்புச் செலவுதனை
சமாளித்திடவும் முடியுமோ....????
படுத்தால் தூக்கமும் இல்லை
பசித்தால் புசிப்பும் இல்லை...
எடுத்தேன் ஒரு ஏடாகூடமான முடிவுதனை......
இருவரும் இருந்திட்டுத்தான் போகட்டுமேயென......
புதியவளவள் முதல் பார்வையிலேயே
பாய்ச்சி விட்டாள்-மன்மதன் அம்புதனை
அவ்வினாடியே அவள் என்னவளாக்கப்பட்டாள்...!
எடுத்துவந்தேன் என்னுடனே....!!
புதியவளவளுக்கு அலங்கரிப்புத்தான்
எத்தனையோ.....???
எங்கும் என்னுடனே இருந்திடுவாள்
இருந்தும் நவீன நங்கையவளை
படித்திட பாடுபட்டேன் பல நாள்கள்...!
என் விரல்கள் மேய்ந்தன - அவள்
பட்டுமேனிதனை.....
சில சமயங்களில் ஒத்துழைக்கவும் மறுத்திடுவாள்.....!
இப்படியே கழிகின்றது என்வாழ்வு
இருவருடனும்.......!!!
முன்னையவள் "நொக்கியா"....!!!
புதியவள் "ஐ போன்" .......!!!

வழமைக்கு மாறான இயற்கையின் சீற்றம்.......

கடந்த 6 வருடங்களாக இயற்கையின் சீற்றம் புவிதனை உக்கிரமான முறையில் தாக்கிக்கொண்டிருக்கிறது. இப்புவிதனில் மாந்தர் செய்த பாவம் தான் என்னவோ??? 

இயற்கை அன்னையின் இந்த கோரப்பசிக்கு இரையாவது என்னமோ அப்பாவிப் பொதுமக்களே அன்றி உயர் மட்ட பூதங்கள் அல்ல. 'பட்ட காலிலே படும்' என்பது போல அல்லலுறுபவர்கள் ஒரு குறிப்பிட்ட பிராந்திய மக்களே......!!!

இந்த இயற்கையின் சீற்றத்திற்கு காரணம் தான் என்னவோ?????
விடை தேட முனைகின்றோம். அடியேனும் ஏதோ ஒரு கோணத்தில் ஆராய முனைகின்றேன்....!

புவியின் திணிவு சமநிலை இன்மையும் இதற்கு ஒரு காரணமாக அமையலாம். அதாவது ஆதிகால புவியின் திணிவு சமநிலையை இன்றையகால கட்டுமாண வளர்ச்சி குழப்பியுள்ளது என்பது கண்கூடு. இதனால் புவியின் சமநிலை மாறுவதுடன் புவியின் அச்சுப்பற்றிய சாய்வு, சுழற்சி வேகம், சுழற்சி வடிவம், சுழலும் விதம் என்பனவும் பாதிக்கப்பட வாய்ப்புக்கள் உண்டு.

ஆதலினால், மேலே விவரிக்கப்பட்ட காரணியும் இந்த இயற்கை சீற்றத்திற்கு ஒரு தூண்டுதலாக அமைந்திட முடியும்...???!!!

மனவோட்டம்....!!!

காலவோட்டத்தில் கலைந்துபோன
கனவுகள் போல....
கடலலைதனில் கரைந்திட்ட
மணல் வீடுகள் போல....
வானத்தாயவள் இரசாயன மாற்றத்தால்
அழிந்திட்ட வானவில் போல....
தேர்தல்கள் முடிந்தவுடன்
மறந்திடப்படும் வாக்குறுதிகள் போல.....
வாழ்வெனும் தாயவளின் காதல் எனும்
கருவும்.......
 
கலைந்திடலாம்!!!!
கலைக்கப்படலாம்!!!!
கலைத்தும் விடலாம்!!!!

இக்கருக்கலைப்பு விஞ்ஞாபனத்தில்...
கண்ணீரை சுமக்கப்போவது-எம் 
தாயவள் வாழ்க்கை(கள்) மட்டுமே....!!!
கருவான காதல் அல்ல......!!!

என்னவள்...!!!

நினைத்தாலே தித்திடுவாள்.....
என் நாவில் சுவைத்திடுவாள்......
பொன்னென்றும் பொருளென்றும் புகழென்றும் பார்த்திடவும் மாட்டாள்.....
பித்தனிவன் சித்தத்தில் தித்திட
மறுத்திடவும் மாட்டாள்......
அப்போதும் இப்போதும் எப்போதும்
என்னுடனே பிணைந்திருப்பாள்......
கள்வர்தனால் கவர்ந்திடவும் முடியாது....
கற்பழித்து கடாசிடவும் முடியாது....
வருடங்கள் பல கடந்தும்
வடிவுதனில் குன்றிடவும் மாட்டாள்....
தேனென்பேன் அமுதென்பேன்
தெவிட்டிடா ரசம் என்பேன்....
பித்தனிவன் பேனா முனையிலினால்
வரைந்திடத்தான் முடியாதென்பேன்
பேதையவள் பெருமைதனை......
அவள்தான் என் உள்ளங்கவர் காதலி
எனதன்பின் 'தமிழ்'......!!!!

போக்கிரி(கள்) பொங்கல்......!!!

தமிழர் திருநாளாம்.....
தை(க்) குழந்தை பிரசவ நாள்....
மகிழ்வையே பொங்கலாக பொங்கி
மகிழ்ந்திருந்த காலங்களை
மறந்திடத்தான் முடியுமா.......???
உறவுகள் கூடி பொங்கல் வைத்ததும்...
உண்டு உறவாடிய பொழுதுகளும்
உறங்குகின்றன என் மன அறையில்......

இம்முறையும் கொண்டாடினார்களாம்
பொங்கல்......???
சூரியனே இல்லாத போது 
சூரியப்பொங்கல் எமக்கெதுக்கு......????
எம் வம்ச வயல் நிலங்கள்
எம்மிடமே இல்லாத போது
உழவர் பொங்கல் எமக்கெதுக்கு....????
உணர்கின்றேன் வெறுமைதனை...!!!

தெற்கிலிருந்து ஒரு நாம்பன் மாடு(?)
வடக்கிற்கு போனதாம்......
பொங்கிப் படம் காட்ட....???- அதை
வடக்கிலிருந்த மந்தியொன்று
வரவேற்றதாம் மாலை போட்டு...
கண்துடைப்புப் பொங்கல் கடைசியில்
கச்சிதமாய் அரங்கேறியது......!!!
வெட்கம் கெட்ட சிலதுகள்
கூவிட்டாம் "பொங்கலோ பொங்கல்"என்று

ஆனவன் இல்லையென்றால் ஒரு முழம் கட்டை தான்........
ம்ம்ம்ம்ம்ம்.......
சூரியனும் வந்திடுவான்.......
எம் உழவு நிலங்களும்
விளைந்து நிற்கும்......
அப்போது கொண்டாடிடலாம்
தூய தமிழ் பொங்கல்தனை.....

குமுறல்.......!

என் மன எரிமலைக் குழம்பு
குமுறிக் கொண்டே இருக்கிறது.....!
பகிர்ந்து கொள்ள இருப்பவையோ
பலப்பல......
பாவியர் உலகம்தனில்
பட்டதையெல்லாம் புட்டிடத்தான் முடியுமா?????!!!!!
எம் பேனாவைச் சுற்றி எப்போதுமே
கழுகுக்கண்கள்......!!!!!
கன்னி கழியாத என் பேனா
கனன்றிடும் குமுறல் தனை
கணக்கில்லாமலே.......
இருந்தும்.......
நட்புக்களின் நயமான நச்சரிப்புக்களினால்....
என் பேனா முனை
கிறுக்கிடும் குறுகிய வட்டமதனுள்......

இந்து அன்னை மடியில் தவழ்ந்து.... எழும்பி நடைபோட்ட நாள்கள்....

இந்து அன்னையின் மடியில் நாம் செய்த கூத்துக்கள் வெகு விரைவில் அம்பலத்துக்கு........

எதிர்பார்த்திருங்கள் தோழர்களே.......

புகை சாம்பலாக்கும் வாழ்வுதனை.......!

எனது முதலாவது பதிவுதனை ஒரு சமூகநல நோக்குடன் பதிவதையிட்டு நான் மகிழ்வடைகின்றேன்....!!!

எங்கட பெடியள் நிறையபேர் எந்த நேரமும் ”தம்”மும் கையுமாக திரியுறாங்கள்... ஏந்தான் இப்பிடி இருக்கிறாங்கள் எண்டு மண்டையைப் போட்டு குடைஞ்சதில எனக்கு வந்த சில ரிப்சுகளை உங்களுக்கும் சொன்னால் எனக்கு கொஞ்சம் ரிலாக்‌ஷா இருக்குமே....!!!

ஏந்தான் உந்த கண்றாவியை அடிக்கிறாங்கள்.....:
1) காலமையில போய் குந்தினால் லேசா போகுதாம்....!
2) ரென்சன் குறையுதாம்.....!
3) அது நட்பு வட்டத்தை அதிகரிக்குமாம்....!
4) அடிக்காமல் விட்டால் “பொன்ஷ்” எண்டு யோசிப்பாங்களாம்....!
5) பிரண்ட்ஷ் எல்லாரும் அடிக்கேக்க தாங்கள் மட்டும் அடிக்காமல் எப்பிடி இருக்கிறதாம்....!
6) தான் லவ் பெயிலியர் சோகத்தில இருக்கிறாராம்.....!
7) சும்மா ஒரு ரைம் பாசிங்காம்...!
8) பெட்டையளே அடிக்கேக்க தாங்கள் அடிக்காமல் இருக்கிறது எப்பிடியாம்....!
9)தங்கட ஷ்ரேரஷை காட்டுறதுக்காகவாம்...!
10) தண்ணி அடிச்சால் தம் அடிக்காட்டி ஒரு கிக் இல்லையாம்...!
11) ஓசியில கிடைக்குதுதானே சும்மா அடிச்சுப் பாக்கினயாம்...!
12) தம் அடிச்சால் டக்கெண்டு ஐடியா வருமாம்...!

இப்பிடி பலப்பல....

இவங்களை திருத்தவே முடியாதா????

நினைத்தால் முடியாதது எண்டு ஒன்றும் இல்லை.....

ஒருத்தனையாவது திருத்தினால் எனக்கு வெற்றி தான்......

இது தொடர்பாக தொடர்ந்தும் குமுறுவேன்........

வணக்கம்....

பதிவுலகின் முதல் தடம்.........
பதிவாளர் தம்பி பிரேமின் கரங்களை பற்றியவாறு.......
என் மனதில் பட்டதை புட்டு வைக்கும் நோக்குடன்.....
வருவோம்..... பல்வேறுபட்ட பதிவுகளுடன்......

அம்மா

அம்மா எனது ஆதார நாதம்.....
அப்பா எனது அன்பான வழிகாட்டி.......