சிந்தி...

தமிழன் எம் தலைவிதி....
தறிகெட்டுப் போனதுவோ...?
தார்ப்பரிய நிலங்கள் தான்
தரிசு நிலமானதுவோ...?
சொல்ல வழி இல்லாமல்
சொப்பனங்கள் காண்கின்றோம்.
ஊழி வினையறுக்க
உத்தமர்கள் வந்திடாரோ....?
இரத்தவெறிக் காடையரின்
தம்பட்டம்தனை அடக்க.
எமதினத்தை அழிக்கவென்றே
ஏமாளிக்கூட்டம் ஒன்று
ஏவல்கள்தனை இயற்ற....
எட்டப்பர் பலர் அதற்கு
தப்பாட்டம் ஆடிடவே.....
இரையாக்கப்படுகிறது - எமதினத்தின்
எதிர்காலம்...!!!

கவனி......
சிந்தி......
செயற்படு.....

நாமிருவர் நமக்கொருவர் என்பதனை
நாமிருவர் ஆவோம் ஐவர் என்றாக்கிடுவோம்.....
அழிந்திட விடமுடியாது - எம்
உயிரினும் மேலான தமிழினம்தனை - இதை
உரக்க உரைத்திடுவோம் உலகினிற்கே.....