தனிமை

உன் பிரிவு
என் உயிரை
மெழுகாய் உருக்குகின்றது.
இருந்தும்.....
உன் அன்பால்
என் நெஞ்சு
பூவாய் மலர்கின்றது.
உன் விரல்கள்
என் விரலிடுக்கை நிரப்ப
நித்தமும் விரிந்தே கிடக்கின்றன.
உன் கலைந்த முடி கோத
என் கறையில்லாக் கரங்கள்
காத்துக்கிடங்கின்றன.
தனிமை என்னை
நிதமும் தண்டிக்கின்றதே-அன்பே
உன் விழிப்பார்வை
விரைவினில் கிடைத்திடல் வேண்டும்
என் இமையருகே.
உன் மூச்சுக்காற்றுப்பட்டு
உயிர்பெறுவேன்
உன்னருகே- நீ
எனதருகிருந்தால்.....

ஏக்கம்...!!!

வாய் நிறைய வார்த்தை முட்டி
வஞ்சியவள் வதனம் நோக்கி
மிஞ்சி விட்ட ஏக்கம்தனை
மிடுக்காய் களைந்துவிட்டு
உதிர்த்திடத் துடிக்கின்றேன்
என் உயிர் அவள் என்று.
எனதன்பை மொத்தமாய்
வெளியனுப்பி
அவளன்பு அத்தனையும்
மொத்தமாய் பெற்றிடுவேன்.
அவளன்பின் துளி பட்டே
துயர் மறந்து சிரிக்கின்றேனே...
அவள் அன்புக் கடல் மூழ்கின்
அகிலமே என் வசமே...
அந்தொரு நன்நாளுக்காய்
அனுதினமும் ஏங்கி நின்றேன்..
அடைந்திடுவேன் அவளன்பை
இரவி அஸ்தமன உதயமதில்......!!!

ஏனோ....???

உன்கன்னக்குழி அழகில்
கார்கூந்தல் முடியழகில்
மெல்லப்பேசிடும்
மெலிதான உரையழகில்
வண்ணத்தமிழ் ஊறும்
வளமான உதட்டழகில்
கன்னியுன் காந்த
விழியழகில்
பல்கதை வீசும்-உன்
பண்பான சிரிப்பழகில்
பாவையுன் பல்லழகில்
படபடத்திடா
பாவியிவன் இதயமது......
கன்னியுன் கனிவான
சிந்தையினால்
சிறகடிக்கத் துடிக்கிறதே...!!!

நட்பு...!!!

உணர்ந்திட மட்டும்
உணர்த்திட மட்டும்
உரைத்திட முடியா
உன்னத உறவு.....

மது...!!!

மதி மயங்கிட
மகிழ்வோங்கிட
பருகிடும் கசாயம்....!!!

அன்னை...!!!

மூன்றெழுத்தில்
முற்றுமானவள்.....

கணணி...

கடி பொழுததனை
களி பொழுதாக்கும்
கலியுக ஜாம்பவான்...